【以100%的感情投出直球】神様の涙 / 赤色のグリッター (Akairo no Glitter)

【以100%的感情投出直球】神様の涙 / 赤色のグリッター (Akairo no Glitter)

日本樂團男主唱聲線獨特已經唔係第一日嘅事，好似クリープハイプ正正就以主唱尾崎世界觀把又尖又高亢嘅聲音作為賣點，而鍾意 クリープハイプ 嘅你或者會鍾意今次介紹嘅赤色のグリッター，主唱聲音經常被人將佢同尾崎世界觀作為比較，音樂性唔同但兩隊樂團都有同一特點，將自己嘅感情 100% 唱出黎。

赤色のグリッター於2012年在千葉県柏市成立，幾經成員更替後2013年7月形成現在的陣容，全員皆為 1995 年出生，正式結成嘅四個月後樂團參加RO69JACK13/14，隨即取得優勝，當時只有十八歲嘅佢地首次登上 COUNTDOWN JAPAN 13/14 舞台，緊接下來嘅 CDJ 14/15 同今年嘅 ROCK IN JAPAN 都見到佢地蹤影，唔知係唔係因為一切黎得太快，樂團火速成名登上各大音樂節後，雖累積一定數量嘅樂迷，但近年人氣仍然唔上唔落，同佢地差唔多時間組成嘅伙伴 Mrs. GREEN APPLE 已於短短兩年間成功主流出道並爆紅，兩團曾經係舊年八月至九月舉行過對 Band Tour「赤と緑のホショクツアー」，慶幸自己有參與過 Tour，兩團人氣差異越黎越多，相信好難再係只有 2/300人嘅 Livehouse 睇到佢地。

2015年，樂團全員成為二十歲，正式成為成人，係呢一個尷尬嘅年紀，佢地係十二月推出咗1st Full Album「存在証明」，樂團人氣浮浮沉沉，主唱曾經有諗過放棄音樂，如專輯名所講，樂團希望可以搵到自己嘅「身分」希望以音樂黎證實自己存在過，而今次介紹「神様の涙」就正正係主唱自己嘅寫照，即使失去自信失去自我，世界上仲有可以安置心靈嘅地方，而對主唱佐藤黎講，個一個地方就係 LIVEHOUSE。

坦白而言，樂團除咗主唱佐藤把獨特嘅聲音外都無咩特別，甚至連成員姓氏都非常普通，除咗鼓手姓倉員外，結他手鈴木，Bass 渡辺以及主唱佐藤都係日本全國最常見姓氏頭幾位，但由於佢地係我第一隊真正接觸過 Indie Band 所以個人私心大力推介，感情始終直接啲好。
如有興趣請觀看完整 MV

https://www.youtube.com/watch?v=6AVKd1rlvW4
【成名的關鍵？】新生代樂團的搖籃 － RO69JACK
https://goo.gl/yKdW9R

「Tim Burton的Muse? 」和洋折衷－復古卻又前衛的二人組：黒色すみれ

【#水曜日的神祕國度】 03

「Tim Burton的Muse? 」和洋折衷－復古卻又前衛的二人組：黒色すみれ

見最近咁多人去睇 Tim Burton 套新戲，就黎介紹一下同 Tim Burton 甚有淵緣既兩位奇女子啦。事緣幾年前日本新宿有一間喫茶店"すみれの天窓”，Tim Burton每一次去日本都會去呢間鋪頭，而係鋪頭入面仲留有一啲佢既真跡。咁到底呢間鋪有咩咁特別呢？原來すみれの天窓係由黒色すみれ既兩位女子開既，而Tim Burton好鍾意佢地，佢仲話過係自己既ipod入面一定會有黒色すみれ既歌，成日都會聽。講咁多野，都係想大家認識一下黒色すみれ呢個咁神秘既組合 🙂

如果話日本有兩個女仔玩既音樂係將日本同西方文化融合，好多人應該都會諗起チャラン ・ポ・ランタン，而如果將チャラン ・ポ・ランタン再加上多啲classical，同埋多少少黑暗氛圍，咁就會係黒色すみれ喇。黒色すみれ以vocal/piano/accordion加上violin/chorus既編制而結成，玩既音樂都一樣好有馬戲團色彩。當中濃濃既古典元素、帶有歌德味道既造型，令到黒色すみれ係外國Gothic Lolita界都有好多人認識，仲曾經係2009年開過法國tour。由於今次主角係黒色すみれ，所以就揀左佢地自己既作品"月光恋歌”分享俾大家，但其實小編覺得最可以感受到黒色すみれ魅力既，往往係佢地同人合作既時候。就好似係2014年同樂隊 BUCK-TICK 合作既Victims of Love，個人覺得都算得上係神作 🙂

BUCK-TICK - Victims of Love (feat. 黒色すみれ): https://www.youtube.com/watch…

黒色すみれ - 月光恋歌: https://www.youtube.com/watch…

＿＿＿＿＿＿＿＿＿＿＿＿＿＿＿＿＿＿＿＿＿＿＿＿

水曜日的神祕國度系列
【月黑風高的蜜蜂NIGHT】
https://goo.gl/uO8uc0
【高中毒性變態系樂隊的佼佼者: 八十八 ヶ所巡礼】
https://goo.gl/gx2NK2

歡迎各位 Follow 返 Instagram。
https://www.instagram.com/moshclubhk/

【拯救孤獨靈魂的搖滾】の子 與 大森靖子

相信好多人都知道日本係一個好孤獨既國家，無緣社會、孤獨死⋯⋯所有呢啲字眼都源自孤獨。會長經常都講音樂可以拯救世界，黑魔法使都同樣相信呢句說話，所以都想趁機同大家分享曾經拯救小編既音樂－大森靖子。

當初接觸大森係係 YouTube 睇到一條 Tokyo Idol Fest 既片，第一反應覺得佢係一個痴線婆，但長年訓練有素既小編當然唔會俾佢嚇到。結果睇到最後就同啲彈幕一樣覺得唔應該會係 Idol Fest 見到大森，因為佢唱出左真正既搖滾。後來理所當然地，大森出現係好多 Rock Fest，而令到更加多人認識佢、被佢拯救。

大森既歌往往都將自己心入面最真實既想法寫出黎。每個人都係生而為孤獨，生活中免不了會有覺得孤獨失落既時候。大森既歌卻可以俾到一個支撐你，佢唔會叫你好正面用正能量面對一切；但佢會俾你知道你就算孤獨但你永遠唔會孤單一人，令你明白世界一定唔會事事如意；人並非機器，每個人都會唔開心，只要將孤獨、一切不快都叫出黎，過後一樣可以復原繼續生活。當感到孤獨既時候，聽下大森既歌感覺永遠都會好番啲。

以下第一條片就係小編第一次睇大森既片，一開始睇你一定會覺得好怪；但如果你堅持到睇到後面，我相信大森既熱情一定可以傳達到俾你。呢場既set list有一啲歌講到大森既人生觀愛情觀，甚有啓發性。至於之後嗰首係小編覺得係低落既時候最俾到力量既，歌詞都講到大森對於音樂既音樂既熱情。

大森靖子Live@TIF 2013

大森靖子／音楽を捨てよ、そして音楽へ：

標題寫到既另一位，就係同樣用搖滾拯救好多人，來自樂隊神聖かまってちゃん既の子。今次打呢篇，其實主要都係想介紹最近の子同大森合作既一首歌"非国民的ヒーロー”。集合日本樂壇兩大痴線佬既作品，果然佢地都好叻寫令人感動既旋律。特別想寫一下 MV 中間有一少段大森係水邊既彈唱，雖然好短，但令人印象深刻。小編覺得，對於被大森和の子拯救過的樂迷黎講，佢地可能係真正既英雄，咁就當呢首歌係咁解啦。

大森靖子/ 非国民的ヒーロー :

歡迎各位 Follow 返 Instagram。
https://www.instagram.com/moshclubhk/

【眼晴去旅行——一個人旅行的意義】Twilight / UQiYO

香港人壓力太大，一有幾日假期就想去旅行逃避現實，廉航多咗，近幾年好多人話飛就飛，實不相暪本人今年去咗五趟日本旅行，北海道仙台東京大阪名古屋福岡⋯加加埋埋都有成十三個禮拜，普遍香港人就唔聽日本音樂，但個個都鍾意日本，二十一世紀，人人都話尋找自由，高舉「獨遊萬歲」，好似一個人旅行係一件非常值得歌頌嘅大事，唔知幾時開始，「一個人」變成一樣「不平常」嘅事，「一個人旅行」「一個人睇戲」甚至「一個人食飯」都被標籤，唔知係唔係偽毒要顯示自己嘅「毒」，定還是「文青」鍾意 Show Off 自己一個人好自由好浪漫，本來理所當然嘅事突然變得「不平常」。

人一生出黎就係一個人，一個人食飯睇戲或者去旅行好正常，但社會卻認為人係應該要「一對對」同埋「一堆堆」，而人類卻被社會觀念蒙蔽，急著搵另一半又急著尋求朋輩認同加入小圈子，隱藏自己個性，慢慢迷失自己。

突然間又有一班獨遊主義者開始高舉獨遊萬歲，講一個人旅行有幾咁偉大，講自己同個班只識跟旅行團購物觀光嘅人有幾唔同，自己又同當地人點接觸點融入當地文化，唔知大家有無聽過「旅遊與款待」呢一科，中學時期唔知點解地讀咗，入面有講到旅遊者有分幾類人，總係有類人偏向脫離「環境泡泡」鍾意探究自我，總係有人唔肯離開「環境泡泡」，本質唔同難以比較，獨遊者根本無咩獨特比其他人優勝。

講到呢到，其實我都係獨遊主義，原因好簡單，怕麻煩，我相信呢個世界唔會有人同我一樣，為咗睇 Live 願意一日來回十四小時來回大阪，再返東京睇幾十場 Live，與其搵個伴，不如學習獨處，於是一個人去兩年間去咗十幾次旅行，為嘅只係睇 Live，所以我唔承認自己熱愛旅遊，老實講旅行好攰，可以嘅話我好想好似日本人咁平常，放學放工去 Livehouse，可惜嘅係我係香港人，每一次睇 Live 我都要拋下香港嘅一切，踏上旅途，無計㗎，佢地唔黎香港咁咪自己去日本。

回到正題，今次介紹嘅係以「日常變得獨特」為主題嘅三人電子音樂組合 UQiYO | ウキヨ ，坦白地說樂團非常高質但樂團知名度非常低，我都係前排去嘅 Live 有佢地出演所以開始接觸，初次係 YouTube 接觸佢地時我感到非常驚訝，有咩理由咁靚嘅 MV 同音樂得咁少人睇，所以我必須向大家介紹一下佢地，「Twilight」一曲以旅遊為主題，MV 中嘅主人公一開始獨自係大自然冒險，後來遇到其他人成為同伴，旅遊總係充滿歷險同驚喜，一個人係旅遊上遇上各式各樣唔同嘅人，最終未必成為朋友，但彼此會記得，曾經係個一段旅程中遇上過一個人，互相訴說過自己嘅故事，第二朝起身，佢已經 Check Out 走咗，雖然無交換聯絡方式，但有緣的話，或者未來會再係一個地方相遇，呢一個就係旅遊嘅樂趣所在。

歡迎各位觀看完整片段 － Twilight / UQiYO
https://www.youtube.com/watch?v=pErZUu7j_Ws

歡迎各位 Follow 返 Instagram。
https://www.instagram.com/moshclubhk/

【水曜日的神祕國度：黑魔法使特別通訊】人間ビデオ／ドレスコーズ(Dresscodes)

上星期樂隊ドレスコーズ（Dress Codes）為新動畫電影 〝GANTZ:O〞唱既主題歌〈人間ビデオ〉MV解禁喇 ❤ 今次既作品除左有ドレスコーズ既志磨遼平本人外，仲搵黎cult band元祖人間椅子既和嶋慎治、0.8秒と衝撃既有島コレスケ（靚仔）同大家都好鍾意既凛として時雨既ピエール中野黎合作，係神組合 ❤

其實志磨遼平さん係日本都有一定數量既樂迷，話晒由indie界傳奇毛皮のマリーズ開始玩到ドレスコーズ到得番自己一個既ドレスコーズ，幾個時期儲落既。但係係華人地區就好似冇太多人識⋯⋯所以今日想以GANTZ個朵黎私心一下。

看點：睇見志磨さん成身血就覺得好正／
喜歡貓系男子的你絕不能錯過／
歌曲風格黑暗化的 志磨さん太好了。

ドレスコーズ 「人間ビデオ」：
https://www.youtube.com/watch?v=2YJWe2nsfPo

歡迎各位 Follow 返 Instagram。
https://www.instagram.com/moshclubhk/

【水曜日的神祕國度03：高中毒性變態系樂隊的佼佼者】八十八 ヶ所巡礼

又黎到星期三，又到左黑魔法使黎傳教既日子：)

日本人真係好鍾意將band分類，而係indie band scene入面有一啲會被分為變態系樂隊。今日就揀左變態系樂隊中既佼佼者〝八十八 ヶ所巡礼〞（88kasyo junrei）介紹俾大家。除左樂隊變態既設定／形象、濃厚既個性之外，好多玩變拍子既樂隊都會被分為變態系。而小編就覺得除左呢啲之外，大多變態系樂隊都有好變態既演奏技術，就好似八十八 ヶ所巡礼咁。

八十八 ヶ所巡礼設定係一個犯罪集團，マガレ姉さん一邊唱住奇怪又密集，好似唸咒咁既歌詞，一邊彈住快速又中毒性高既bass line；Katzuyaさんguitar hero一樣既台風配上獨特既riff；賢三さん變態既表情同aggressive既鼓聲⋯⋯三個人既配合令到每一首歌都非常有張力（最鍾意三人band) 由於以前冇live video，曾經都懷疑佢地編到咁難玩live會玩成點，但之後youtube出現左唯一一條live video，簡直驚為天人！樂隊果然要睇live，佢地live不單單玩到好過album，張力同氣氛更加非同凡響。主張大日本愛國主義既マガレ姉さん係唱”日本”既時候問樂迷們愛國心夠唔夠強，其他爆樽插水就基本啦（黑月亮）。有興趣可以睇下呢條live video ：）(set list: 具現化中/ 日本)

八十八 ヶ所巡礼 LIVE：

另外八十八 ヶ所巡礼既映象作品風格都好特別，除左有㗎仔好叻既低成本制作cult片；有時又會有好似AV冒風格，有時又好似配合番音樂既中毒性風格。就好似今次揀既呢個mv，高彩度既基調再加上好多無厘頭出現既物品，個人覺得鍾意 vaporwave style既朋友可以睇下。

八十八 ヶ所巡礼 - 攻撃的国民的音楽：https://www.youtube.com/watch?v=D90AOhojK3M

歡迎各位 Follow 返 Instagram。
https://www.instagram.com/moshclubhk/

【男人羨慕 女人仰慕的多棲才子】SUN / 星野源

講起星野源，可能好多人第一次聽佢個名係因為今晚首播嘅日劇「逃げるは恥だが役に立つ」入面星野源飾演新垣結衣老公，引來廣大男士妒忌，消息一出香港傳媒講到星野源「高攀」結衣bb 咁，但其實星野源只係海外知名度尚低，身兼歌手、演員及作家等多重身分嘅星野 源係日本已近乎國民級地位，外表唔算出眾，但有齊「鹽臉男子」特質，佢本身都有一大班女性 Fans，更係次文化女子必喜歡嘅代表。

星野源 2000 年組成樂團 SAKEROCK（サケロック） ，2003年開始出演日劇電影多棲發展，2010年係細野晴臣推薦下 SOLO 出道，其後曾因病而活動休止，手術成功後再度活躍於藝能界，2013年首次出演電影「深宅家中兒子的戀愛」及園子溫電影「地獄為何如此惡劣」並於同年獲得新人男演員獎，2016年推出嘅專輯「YELLOW DANCER」更奪得 CD 大賞最高殊榮，上星期推出「逃げるは恥だが役に立つ」主題曲「恋」銷量更係一星期突破十萬張。

星野源自小受熱愛 Jazz 嘅父母影響，耳濡目染下星野源更成功地將 Jazz / Funk Music 帶到主流樂壇，近年更掀起一片星野源旋風，雖然樂團 SAKEROCK 已經係舊年解散，星野源仍然以個人身分係音樂界活躍，更係現今少有出演大型音樂節嘅獨立男歌手，而且次次都係最大舞台，星野源實在唔簡單，大家睇劇之餘不妨留意下佢嘅音樂。

// 延伸閱讀 //
【週末好去處】嚴選樂團界鹽臉男子

歡迎各位 Follow Instagram：@moshclubhk

【向已成褪色回憶的青之栞道別】HelloGoodbye ／ Galileo Galilei

相信好多人都有睇過那朵花（あの日見た花の名前を僕達はまだ知らない。），並因此認識唱OP 青い栞既 Galileo Galilei，但同時對佢地既印象仍然停係正統派熱血J-Rock。

但其實由第二張專輯《Portal》開始，Galileo Galilei 既風格已經180°大轉變，受到 90's 既外國 indie pop 影響，開始運用大量Synthesizer，為清新既旋律添上淡淡既 New Waves 味 ，連前輩 Spangle call Lilli line [official]]] 既藤枝憲都大讚，更話係近五年黎日本最好既專輯。唯一不變既係主唱尾崎雄貴淡然而磁性既歌聲。

而且除左第一張專輯以外，Galileo Galilei 幾乎同「熱血」無緣，反而更嘗試左好多唔同風格，例如mini album《Baby, it's cold outside》同單曲《Circle game》既 c/w〈Eletroland 〉，就充滿 Eletro pop風格。但可惜太早出道、太早獲得世間注目，被媒體太早定型，令好多人都無去繼續發現佢地新既方面。

或許成員都覺得，與其勉強維持無法打破既固有印象，不如讓屬於 「Galileo Galilei」既音樂作為過去既回憶永遠定格，因此決定終止活動。

一日後，10月11日，就係最後既武道館 Live，本人將會參加。去唔到現場，又想為曾經係青春其中一頁留意過既音樂告別，當日 17:30 可以用 VPN 上 AmebaTV 睇直播：

個人目標係唔好每首歌都流眼淚，就心足了。

//

「こんな腐っちゃった声を自分でつぶして初めて
ハローグッバイ
言えたよ」

第一次親手將如此不堪的聲音擊潰
Hello, Goodbye
我終於能夠開口說出

C

【深秋的憂鬱與希望之間】broken eyes / Art-School

秋天係一年四季最舒服嘅季節，秋高氣爽最適合郊遊，一齊跟住ART-SCHOOL 主唱木下理樹走入叢林，音樂奏起，差少少以為自己入咗仙境。

ART-SCHOOL 成立於 2000 年，成員多次變動，目前正式成員只有主唱木下理樹同同時作為 MONOEYES 結他手活躍中嘅戸高賢史，前成員日向秀和同大山純係離開咗 ART-SCHOOL 後加入咗ストレイテナー，樂團於 2015年一度活動休止，沉寂過後，ART-SCHOOL 建立自主 Label 「Warszawa-Label」，並於今年五月推出新專輯「Hello Darkness, my dear friends」。

今晚介紹呢首 「Broken Eyes」就係出自新專輯，與以往樂團憂鬱嘅形象有少少分別，或者係絕境中搵到希望嘅感覺，好記得第一次係 TOWER RECORDS 試聽過陣，真係有一瞬間以為自己升咗仙。

如想觀看完整 MV 請點擊以下網址。

https://www.youtube.com/watch?v=gn2h8HDNeDM

【創立屬於自己的新世代】雨のパレード（ame_no_parade）

雨のパレード是九洲出身的四人組，屬於創造性的另類搖滾樂隊（官方這樣說）。 鹿兒島出身的主音福永和樂隊中同是鹿兒島出身的結他手山崎及鼓手大澤原本在當地組另一隊樂隊，解散後決意上京的福永於是邀請兩人一起上京。而Bass 手是永亮裕則是出身於福岡大分，來了東京後在GLAY 鼓手永井利光的介紹下加入了雨のパレード，於是雨のパレード在2012年於東京結成。

相比起單純的樂團，福永把雨のパレード形容為創造集團，成員除了負責音樂的四人外，還有負責繪圖的トノハルナ，飾物設計的橋本彩，服裝設計的 Kari。換句話說，雨のパレード的一切創作都是由成員自身負責。

前樂隊解散的原因是與福永希望發展的方向不一致，而且當時福永編曲的能力仍很低，樂隊的五人中除了大澤以外的三人都比福永年長，自己沒有甚麼發言能力，確定了自己的方向後就決心上京，組成現在的樂隊，也開始有了發言能力。


樂團於 2016 年 3 月經由 Victor Entertainment 旗下的 Speedstar 推出《New Generation》主流出道，立志堅定，決心改變這世代的音樂，走出他們的新世界。

【夢幻與狂亂的結合】PELICAN FANCLUB

PELICAN FANCLUB 於2012年結成，最初成員有エンドウアンリEndo Henry(Gt, Vo.)、カミヤマリョウタツ Kamiyama Ryotatsu(Ba.)、クルマダヤスフミ Kurumada Yasufumi(Gt.) ，2014年12月シミズヒロフミ Shimiza Hirofumi（Dr.）加入。翌年一月發表1st Mini album 《ANALOG》，2015年發表目前最具樂團代表性的同名專輯《PELICAN FANCLUB》，2016年6月推出第三張迷你專輯「OK BALLADE」，由被稱為「共有おじさん」的結他手車田康文推出一系列名為「共有しようぜ」分享行動，M-OSH CLUB 創辦人深受啓發，因而決心成立 M-OSH CLUB。

樂團目前屬於 UK PROJECT 的 DAIZAWA RECORDS旗下，UK PROJECT 是以下北澤為中心的獨立廠牌，旗下有THE NOVEMBERS、きのこ帝国等，質素可見一斑，

// 相關 Facebook Post //

活在「現在」這個瞬間 - PELICAN FANCLUB

關於「說明」自己身份 － 說明／PELICAN FANCLUB

【Dali / PELICAN FANCLUB】夢幻與現實　無法解釋的交叉點

【在睡不著的夜裹 在早上來到之前】Ten / Balloon at Dawn

除了 YouTube 外，Soundcloud 也是一個認識日本樂團的好選擇，好像我今年無意中在Soundcloud 認識了這一隊關西出身的 Dream Pop 樂團 Balloon at Dawn，樂團於 2013 年成立，纖細，迷幻帶點 Shoegaze 嘅元素，非常適合失眠的你，雖然樂團目前只以自主名義發行唱片，但大阪唱片名店 FLAKE RECORDS 店長亦強力推介過 Balloon at Dawn 而且店內都有出售1st Mini Album「Inside a Dream」。 相

比起主流樂團經常封鎖海外 IP，新世代尤其 Indie Band 都很積極利用網上平台宣傳自己，除了利用 Soundcloud 外，Balloon at Dawn 還有在 Bandcamp 售賣唱片，方便海外樂迷，更可以在 Spotify 上聽到。


 

【來自青春的吶喊】Yellow! / PENs+

PENs+ 於 2011 年組成，樂團深受九十年代 Emo, Alternative , Post Rock / Math Rock 影響，樂團以雙主唱形式編制，少年般清新的新井凌加上非常 EMO 的有賀麻生產生了奇妙的化學反應，就連能年玲奈都曾經在樂團初成立時在電台稱讚他們。

除了音樂以外，主唱新井凌非常擅長設計，所有 PENs+ 的 Artwork / Goods 皆由他一手包辦， 聽聞不少 Fans 因為 PENs+ Goods 太可愛而認識他們，進而成為樂迷，所以 Goods 設計精美有助幫補生計之餘還可以吸納更多 Fans，除了樂團自身周邊外，新井凌更有份幫助其他樂團設計周邊，例如目前活動休止中的 TOKYOGUM ，可以說是多才多藝。

PENs+ 更在舊年獲邀請去 Next Music from Tokyo vol.7 ，首次去海外演出，正因為呢一次海外經歷，還有一年大學畢業的新井凌選擇了休學一年，獨自去加拿大 Working Holiday，PENs+ 亦因此而處於無了期活動休止嘅狀態，而樂團另一主唱有賀則找來其他朋友組成全新樂團「arigarnon friends」，重新出發。

雖然樂團活動處於休止狀態，但新井凌仍然有繼續設計嘅工作，最近更重新上咗一堆新貨，歡迎到以下網址。

http://pens.buyshop.jp/

如有興趣觀看 MV 請點擊以下網址。
https://www.youtube.com/watch?v=DZ0O9G_mbH8

【有錢就是任性】麻醉科醫生為興趣年蝕逾廿萬邀請日本 Indie Band 開加拿大 Tour https://goo.gl/NpucAX

【水曜日的神祕國度01：月黑風高的蜜蜂NIGHT】女王蜂

大家好，由今日開始逄星期三(hopefully)將會由會長特別委任黑魔法使嘅我，為大家介紹風格較為特別既樂隊。

話明係Weird Wednesday，就梗係會介紹小編十分熱愛，有啲奇怪，比較少人接受到既樂隊同組合啦！雖然古怪，但向來孜孜不倦同身邊朋友推介奇怪樂隊既小編一直深信終會搵到口味同我一樣既朋友 (黑月亮)

第一炮當然就係要介紹一下小編既真愛——女王蜂

相信呢度點都會有人識女王蜂，但唔知大家對佢地既印象係點呢？近呢兩年至識女王蜂既，可能都會覺得佢地既歌全部都好disco好好跳舞，但今日小編想介紹既係活動暫休之前既女王蜂。

如果話而家既女王蜂好有攻擊性，咁以前既女王蜂就係精神有問題既重犯 (褒義)。正因為以前定下既恐怖形象，聽vocalアヴちゃん講有好多人仲唔敢睇女王蜂既live⋯⋯活動暫休前既女王蜂以昭和年代既歌謠曲為基礎，加入garage rock既狂暴感，配上鋼琴／synth營造出恐怖感。令人覺得恐怖既音樂、唔知係男定女既アヴちゃん、styling、台風同氛圍可能真係會令好多人卻步，但鍾意既人都會好鐘意 (黑月亮) （題外話：其實除左詞曲之外，女王蜂既所有styling、妝髮都係由團員們自己一手包辦。）

下面既live video係來自今年既對Band tour ”蜜蜂ナイト"。一開始請大家欣賞下アヴちゃん既換裝表演 ：) 之後既〈告げ口〉係小編覺得最可以代表到女王蜂世界觀既一首，滿滿既horror感覺、アヴちゃん多變既聲音，令到成首歌變成一場獨腳戲一樣。最後既”鉄壁”係女王蜂每隻album都會有既rock ballad，呢首歌係アヴちゃん係十五歲既時候寫成。作為性別身分比較獨特既new-half，アヴちゃん係青少年時期受左好多挫折同打擊，但亦作為契機令佢寫左好多好歌，就好似《蛇姫様》呢隻album既歌大多都來自アヴちゃん既中學年代。

最後講多句：Weird Wednesday既出現，係希望大家都可以俾機會自己去接觸唔同既音樂，唔好再因為奇怪同怕俾人歧視而錯過好既音樂：(

Link: https://www.youtube.com/watch?v=Z4Zo812D3-M

【在下北澤與你散步的半夜裹 差點以為時間在那一瞬間靜止了】クロノスタシス / きのこ帝国

相信唔洗介紹都好多人識きのこ帝国 ，主唱佐藤千亜妃中性渾厚而穿透力強嘅聲音，樂團初期 Post Rock 及 Shoegaze 玩到淋漓盡致，恰到好處，RADWIMPS 主唱野田洋次郎更多番公開稱讚きのこ帝国，更會自己一個人去睇 Live 而被 Fans 巧遇。

今次想介紹嘅係下北澤、きのこ帝国、クロノスタシス，以及 DAIZAWA RECORDS。

クロノスタシス即係 Chronostasis 錯覺，歌曲所指嘅大概係指同你一齊係散步嘅時間好似係個一瞬間停止咗，係一個非常浪漫嘅說法。

MV 係下北澤取景，以一鏡到底拍攝，令人有一種與佐藤同遊下北澤嘅感覺。片段中更出現下北澤吉祥物「しもっきー」（白色一大舊嘢個個就係）。下北澤除咗係古著天堂，仲係音樂人嘅集中地，平均每行十步就會見到有人揹住樂器，Livehouse 數量之多可能冠絕東京。

著名音樂廠牌 UK Project 就紮根係下北澤，旗下品牌「DAIZAWA RECORDS」更加係以所在地「代沢」而命名，而きのこ帝国係主流出道前都隸屬於DAIZAWA RECORDS，所以今晚 DAIZAWA RECORDS 主辦嘅「DAIZAWA MATSURI」TOUR 最終場就邀請咗きのこ帝国作為嘉賓演出，同台演出嘅仲有 DAIZAWA RECORDS 後起之秀PELICAN FANCLUB，polly 及 ウソツキ，我實在非常羨慕日本人可以一晚睇四隊咁精彩嘅樂隊演出⋯

完整MV：https://www.youtube.com/watch?v=cCx4I4Fk5FE

【登上過 FUJIROCK 舞台的現役女大學生樂團】春 / 羊文学

自問向來非常抗拒女主音，尤其日本典型偏尖女聲，聽到都會打冷震⋯但今次介紹呢把女聲真心正，如果鍾意Aimer 或者きのこ帝国主唱佐藤把聲你一定會鍾意「羊文学」，女主唱はいじ清澈而帶點沙啞嘅聲音好難令人唔鍾意。

樂團於 2011 年成立，後來因為考大學而活動休止，經過多番成員變動後於 2015年11月形成而家嘅陣容，目前以下北澤及涉谷為中心發展，今年七月更從選拔中脫穎以出，登上FUJIROCK ROOKIE A GO-GO 舞台，樂團更加獲有份幫 back number / YUKI 等製作嘅天才音樂製作人蔦谷好位置高度評價。

雖然樂團目前尚未推出過任何流通盤，但 タワーレコード / Tower Records Japan 涉谷店嘅未流通作品 Corner 就有出售樂團 3rd EP 「BiRTH.ep」，有興趣而係日本嘅話記住留意。

唔係日本唔緊要，因為羊文学即將去加拿大出席 Next Music from Tokyovol 9 ，Next Music from Tokyo 過往曾邀請過 andymori / きのこ帝国 /mouse on the keys 等樂團，如果有朋友係加拿大嘅話不妨推薦一下佢去睇，因為我實在非常佩服搞手。

如有興趣請點擊以下網址觀看完整片段：
https://www.youtube.com/watch?v=ZFqTyDZaKYM

// 延伸閱讀 //

【有錢就是任性】麻醉科醫生為興趣年蝕逾廿萬邀請日本 Indie Band 開加拿大 Tour

【慵懶的極致】Disco / ミツメ (mitsume)

時值夏末，吹著秋風晚上特別適合 mitsume，聽 mitsume 音樂一個人會變得慵懶，主唱川辺素目無表情的演奏，目光甚帶點呆滯，少年般的高音，漫不經心的演出，整體音樂給予人一種毫無攻擊性的感覺，但又不知為何，腦海會被 mitsume 樂音衝擊到空白一片。

mitsume 成立於 2009 年，四名成員畢業於慶應義塾大學，雖然說日本大部分 Indie 其實也有所屬 Indie Label，非完全「獨立」，但 mitsume 卻真正由出道到而家都保持「獨立」身份，成員自資出碟，自己設立網站，主唱川辺素更表示過不希望受到任何人的控制，可以的話自己做到的事全部自己做。或者因為這份堅持，mitsume 多年來仍然在近年新秀群起的日本 Indie Scene 有一定地位，更被稱為「東京 Indie 三銃士」之一，或者不會像 Suchmos 般紅到涉谷街頭每一個角落，但 mitsume 絕對不會淹沒於大眾流行的 City Pop 中，只會隨風吹到海岸旁，一同感受夏末。

【穿越時代的聲音 新世代最大破壞力樂團】Yellow / Age Factory

回到基本步，音樂是情感的表達，不需要追隨潮流步伐，不需要華麗或者其他襯托，正因為如此簡單直接的 My Hair is Bad 近年人氣急升，而喜歡My Hair is Bad 嘅樂迷可以聽一下主唱椎木知仁個人非常推薦的「Age Factory」。奈良出身的 Age Factory 成立於 2010年，Age Factory 目前在日本知名度尚低，但佢地在樂團界間廣受好評，尤其在同世代樂團間，主唱清水エイスケ於 1994年出生，從演奏力完全看不出佢只是一個二十出頭，低沉而沙啞的聲線與近年日本樂團流行尖銳的男聲有別，聽佢豐富感情的歌聲以為他已經三十有多，誰不知只有廿十多。



Age Factory 於 10月5日推出第一張 Full Album「LOVE」，日前更邀請了多組樂團寫下感想，當中 THE ORAL CIGARETTES 主唱山中拓也更大讚 Age Factory ，稱他們為「可怕的後輩」。
如果看懂日文可以看回。
http://natalie.mu/music/pp/agefactory

如有興趣請觀看完整 MV。
https://www.youtube.com/watch?v=VPKh_ODcitc

【Welcome to the SHOW】Touch! / LUCKY TAPES

話就話星期五夜晚，但對好多人黎講星期五並唔等於可以放鬆，一直係忙碌中度過嘅人唯一選擇就係聽歌。

唔知係唔係過咗熱血嘅年紀，呢幾年已經好少聽王道系熱血搖滾，慢慢接觸唔同種類嘅日本音樂。尤其近年出現好多「New City Pop」，所有無法分類為傳統J－ROCK 嘅就被分類為 City Pop。

好似深受黑人音樂影響帶有 JAZZ、FUNK 嘅 LUCKY TAPES 自 2014 年結成，2015年推出專輯「The Show」廣獲好評，隨即係 2016年推出「Cigarette & Alcohol」，今年七月仲首次出演 FUJI ROCK，黎緊十月九日將會聯同支援樂手一同十一人首次去台灣演出，身在台灣嘅你絕對不能錯過樂團演出。

相比起「Live」，LUCKY TAPES 會將現場演出形容為「SHOW」，感覺上「SHOW」比較有「非日常感」同「娛樂性」，佢地希望可以用音樂帶比人去迪士尼樂園等主題樂園嘅感覺，藉著音樂逃避現實，睇完 SHOW，聽完歌，又要回到現實。

// 延伸閱讀 //

【FUJIROCK 不能錯過樂團系列】 － LUCKY TAPES

【潮流總是來了又走 屬於寬鬆世代的 City Pop】

【日法混血宅錄才女的幻想世界】 Universal Metro / Maika Loubté

日法混血的Maika Loubté 幼年時期曾經在日本、巴黎、香港多處生活過，不同國家組成的童年令她意識到自己可以創造適合任何國家，不同場合聽的音樂，Maika 自五歲開始學鋼琴，十四歲開始自學宅錄，Maika 尤其愛用老式合成器，或者因為如此，聽 Maika 創作感受到幾分復古的味道，新舊交集下我感受到宇宙，是浩瀚無垠的宇宙，創作無限的世界，今後絕對不能忽視嘅才女。

提醒一下在台灣的朋友， Maika Loubté 將出席十月十五日舉行的潮州街音樂節 ，有幸在台灣的話不妨到場體驗一下 Maika 的幻想世界。

【潮流總是來了又去 但音樂是永恆的】advantage / OGRE YOU ASSHOLE

OGRE YOU ASSHOLE 成立於 2001 年長野縣，樂團深受六七十年代Psychedelic Rock 影響，有一次美國 Indie Modest Mouse 來日到長野縣松本演出，正好被成員巧遇他們，於是向他們詢問改樂團名字的意見， 爛醉如泥的 Modest Mouse前 Bass 手 Eric Judy 就在 OGRE YOU ASSHOLE前鼓手西新太手臂到寫了「OGRE YOU ASSHOLE」，後來 Modest Mouse 再去日本公演時更邀請咗 OGRE 作為 GUEST 演出，很可惜當時 Eric Judy 已經忘了曾經為樂團命名的事，事實上 OGRE 亦深受外國樂團歡迎，例如之前和佢地曾經對盤演出好幾次並將於十二月再到日本演出的 Deerhoof 再度邀請了他們同台演出。

【假如一開始就沒有相遇這件事】我逢人 / Mrs. GREEN APPLE

新世代最強武器非 Mrs. GREEN APPLE 莫屬，甚至被譽為次世代嘅 SEKAI NO OWARI。雖然今年從年頭開始就陸續有唔同年輕樂團主流出道，但講起年齡，Mrs. GREEN APPLE 仍然處於極大優勢，1996 年出生嘅主唱大森元貴係今年九月先滿 20 歲，正式成為大人（今年主流出道嘅樂團大多都係 1991/ 1992 世代，好似 SHE'S / My Hair is Bad 等）。

雖然音樂唔係以年齡黎決勝負，但未滿二十歲已經成功帶領到樂團從 Indie 到主流出道，可以話潛力無限。大森元貴自十二歲開始自己係屋企創作，一開始由 Bass line，Guitar Riff 到 Drum Pattern 都係由佢一個人包辦，而呢一段 Live 片入面〈我逢人〉就係大森元貴係十七歲時創作。歌名「我逢人」出自中國禪語，從字面解釋就係「人與人之間的相遇」，呢首歌係其中一首我最鍾意，而由於片入面呢場 Live 正正就係我第一次係現場睇 Mrs. GREEN APPLE，第一次同佢地相遇，所以好想分享比大家睇。

片段中嘅大森元貴當時只有十八歲，但佢嘅台風同演奏力完全超出一個十八歲應有嘅水平，雖然外表仍帶有點稚氣，但佢一開口舉手動足就可以吸引到全場將目光放係佢身上，個人魅力尤其出眾。
當然樂團並唔係靠一個人，仲有 1993 年出生嘅 Keyboard 手藤澤涼架帶動氣氛，尤其日本好多 Live 演出都係一場有幾隊 Band，觀眾未必識每一隊，所以如何令到呢啲觀眾就算唔識都可以睇得開心，氣氛帶動者好重要，好似藤澤涼架就好鍾意係台上跳跳紮，帶領觀眾一齊跳。

隨住 Mrs. GREEN APPLE 人氣越黎越旺盛，年紀輕輕嘅佢地尤其吸納咗好多中學生樂迷，越黎越少機會係細 Livehouse 到睇到佢地，亦無機會再同大森元貴吹水，距離感越黎越大，自己亦無以前咁常聽佢地，但如果當初無同佢地相遇過，無見識過佢驚為天人嘅演出，或者我而家聽緊嘅音樂又唔同咗。

「比方說從來沒有「相遇」這件事
比方說連「你」也沒有存在過
那樣的話 那樣一定
一個人寂寞和悲傷到連呼吸也停止了吧

你的溫柔讓我即使受傷也能笑
但也只有你的微笑
讓我從心底討厭這個拯救不了的世界」

【新世代男女混合三主音四人組樂團】九休さん / FEEDWIT

這次介紹以大阪為中心發展男女混合的三主音四人組樂團「FEEDWIT」，樂團全員二十歲青梅竹馬，今年九月經 Indie Label ART LOVE MUSIC Label 推出第一張流通盤「ねこまんまのレシピ」，流通盤即指流通於市面上，可以在唱片店買到，推出流通盤可以說是 Indie Band 第一步，而不單止在 Livehouse 會場限定的 CD。

雖然樂團只是剛開始發展，而我也沒有去過他們的現場演出無法感受現場實力如何，不過單純看 MV 我相信佢地絕對有潛質成名，因為他們擁有日本人最鍾意的「中毒性」，只要聽了一次就會不自覺地被洗腦。

【都市人的共同情感】ホリデイ(HOLIDAY) / Sugar's Campaign

如果鍾意電子嘢 / tofubeats 嘅或者你會鍾意「 Sugar's Campaign」。

或者你未聽過佢地個名但可能你會聽過「Seiho」「avec avec」兩位以宅錄電子混音為名嘅製作人，而「Sugar's Campaign」就係由「Seiho」同「Avec Avec」合作嘅 Project，創作以 80 年代 City Pop 為基調，正式成員只有佢地兩個，組合無特定主唱，每一次都會邀請唔同音樂人合作，好似係佢地上個月推出嘅專輯「ママゴト」入面同名歌曲「ママゴト」就邀請咗井上苑子作為 Guest Vocal，呢一隊 POP UNIT 就將自己形容為馬戲團，Avec Avec 同 Seiho 嘅角色就係負責寫劇本同搵唔同嘅演員演出。

而今次介紹呢首「HOLIDAY」 就係出自佢地 2015年1月推出嘅主流出道 1st Album「FRIENDS」。講起呢隻碟我真係要比一萬個趣，事關佢有首歌叫「香港生活」。事實上佢地並無去過香港，樂曲中寫嘅「香港生活」純粹係出自個人對「香港」嘅想像「Endless Night」。另外一首「夢見ちゃいなガール」一更加出現咗中文歌詞。

如有興趣請點擊收看完整 MV：
ホリデイ / Sugar's Campaign
https://www.youtube.com/watch?v=Xl3xnY9QG_Q

ママゴト / Sugar's Campaign
https://www.youtube.com/watch?v=26Gjaj96MkM

【與花草樹木融為一體的自然樂音】Thailand / Oh Shu 王舟

同鍾意跳舞嘅日本人相反，香港近年流行小清新，一把木結他一副眼鏡，文青少女就被攻陷。奈何我比較傳統，唔係話下下都要 MOSH 但坐係到我真係瞓得著，所以我好少留意個人歌手。但最近係下北沢THREE 睇完王舟嘅 Acoustic 演出，我又有少少被攻陷。

上海出身嘅王舟八歲時跟隨父母黎到日本，自細係上海受到重視「個性」嘅教育，相反黎到極度重視「協調性」嘅日本，王舟就唔希望受所謂「協調性」限制，希望創造出屬於自己嘅音樂。

王舟目前隸屬於Spangle Call Lilli Line 所屬嘅Indie Label felicity 旗下。雖然目前以個人唱作歌手發展，但有時都會以樂團編制演出，而且 Support 樂手都大有來頭。好似シャムキャッツ主唱夏目知幸、小林うてな（D.A.N. support）都曾經以樂隊編制形式支援王舟現場演出。

如果鍾意 Folk / Country Music 嘅話王舟應該好啱你口味：）

【獨自站在城市的暗角】The City / Lillies and Remains

“When you’re chasing the urban life, you’ll realized the throbbing pain”

若聽久了新生代那些像霓虹燈那樣閃閃亮亮的 City Pop，偶爾想走入昏暗的後巷裡靜靜沈澱一下的話，Lillies and Remains 絕對是好選擇。

冷硬的吉他，平板的聲線，灰色的氣氛。

第一次聽Lillies and Remains，從曲調到主唱，還以為是哪隊外國Post-Punk樂團。而樂團名字也立即令人聯想起 BAUHAUS 那首〈Of Lillies and Remains〉，同樣是那麼冰冷而無機質。與日本樂團的氣氛大相逕庭，因此 indie debut 當時便受到浅井健一等樂團各界前輩的好評，BUCK-TICK 吉他手今井壽更在部落格上特地寫了整篇文章大讚他們。

主唱 KENT 無甚起伏又深沈的歌聲，令人有點想起 Depeche Mode。或許因為如此，8月11日 在 THE NOVEMBERS 主辦的「首」，KENT與土屋昌已、yukihiro、THE NOVEMBERS 的高松浩史和 PLASTICZOOMS 的TOM 更組了一晚限定的 special session band，Cover 了五首 Depeche Mode。我想日本大概也沒有其他人能夠把 Depeche Mode 再現得那麼傳神。

C

【最討厭不能跳舞的晚上 來自關西的魔音】オドループ (Oddloop) / フレデリック( Fredrick)

近年日本掀起踊るロック（Dance Rock）風潮。日本人鍾意跳舞是常識，好似以オドループ（Oddloop）一曲成名嘅フレデリック（Fredrick）高歌「最唔鍾意無得跳舞嘅夜晚」。樂團於 2009 年組成，於 2014 年推出 Mini Album 「Oddloop」主流出道，與 ONE OK ROCK，THE ORAL CIGARETTES 同屬 A-Sketch。

聽住 oddloop ，腦入面好自然會不停Loop，目前 YouTube 上嘅 View Rates 已經超過 1457 萬，中毒性節奏加上不斷重覆嘅歌詞，再加埋目無表情嘅靚女 Model，呢首歌可以話集齊所有會紅嘅因素。

官方 MV 有埋中文字幕，歡迎點擊收看。https://www.youtube.com/watch?v=PCp2iXA1uLE

// 延伸閱讀 //

2 Step 教學
何謂 Mosh Pit

【重新找回最初愛上音樂的衝動 從 Instagram 開始的青春樂團 】 Kiss / lovefilm

稱霸日本各大音樂祭嘅 the telephones 正處於活動休止狀態，成員各自發展參與唔同樂團。好似之前介紹過 Bass手長島涼平參與嘅フレンズ（Friends），而 the telephones Vocal 石毛輝同岡本伸明就希望組一隊女性 Vocal 嘅樂團，於是邀請咗係下北澤 Livehouse THREE 工作嘅高橋昌志（ Teen Runnings / The Pats Dr. ）。

石毛係 Instagram 偶然中發現江夏詩織 Instagram。佢最重視係「感性」，從江夏 Instagram 中佢感受到呢樣嘢，而且江夏本身無夾過 Band，因此覺得似乎會帶來唔少新刺激。加上江夏本人都好鍾意音樂，從八歲開始彈琴，偶爾會上載彈琴片段上 Instagram。

最初接受到邀請時本身做開 Model 嘅江夏以為係拍 MV / CD 封面等邀約，點知原來係一齊夾 Band，本人都非常驚訝，更加估唔到石毛係因為睇完自己 Instagram 而邀請。最後通過卡啦 OK 嘅歌唱實力測試後，女版 the telephones——lovefilm 就係今年一月正式組成。

伴隨住 the telephones 嘅名氣出道，lovefilm 今年未出碟已出席多個大型音樂祭，八月推出第一張
同名專輯《lovefilm》，樂隊成立希望以現代方式呈現返九十年代一度盛行嘅 Alternative ，雖然女主唱江夏今年只有二十一歲，佢都係聽開九十年代樂團長大、例如 SUPERCAR，くるり（Kururi），ゆらゆら帝国，andymori 等。

「青春」可以話係 lovefilm 嘅關鍵詞。江夏詩織由中學時期已開始女演員及 Model 工作，無參過任何學校嘅文化祭，體育祭甚至連修學旅行都無去過，到高中時更轉咗通信制學校，即係連學都唔洗返。對於無感受過校園青春嘅江夏黎講，lovefilm 係佢二十一年人生以黎最青春嘅一件事。而今年 32 歲嘅石毛輝係舊年結束咗佔佢目前人生三分之一嘅 the telephones ，明白自己已無法回到純真無邪，於 32 歲組成新樂團，作曲時佢盡量唔考慮理論方面，而係與內心嘅自己對話，希望能創造出感動自己嘅音樂。

如有興趣請點寫擊以下網址觀看完整 MUSIC VIDEO：
https://www.youtube.com/watch?v=YsopBGIO2Bg

// 延伸閱讀 //

日本樂團界一大傳奇 - 愛與 Disco 稱霸各大音樂節的 the telephones

大人的 City Pop 「神泉系樂團」 － 夜にダンス / フレンズ（Friends）

【宛如心臟脈動的轟鳴】Birthday / THE NOVEMBERS

我們都清楚，美麗的日常景像之下，藏著那麼多哀傷又憤怒的事實，但我們總是無法停止逃避。

那麼就讓 THE NOVEMBERS 把我們抑壓的喜怒哀樂、真實與虛假都一一曝露在震撼鼓膜的嘶叫與轟音裡，誠實地承認所有的醜陋與美好都是生命的一部分。

那些沉重又激烈的節拍，就是此刻心臟面對生活時的跳動。

「觀賞著電影裡笑著互相瞞騙對方的戀人
你保持沉默　不知不覺間靜靜地睡去

潔癖的世界　天花板與水管
和我擁有相同樣名字的小貓
早晨的牛奶　小朋友們　他們是如此幸福
變得圓滑世固　瞧啊我們　許下了可愛的承諾
相信著僅需如此便能繼續生存下去

我今天一如既往待在這房間裡漸漸變得渺小
一如既往目睹著同樣的夢
遺忘著外面的世界誰人正在被侵犯這事實」

C

// 更多關於 THE NOVEMBERS //

▲ 6th Album《Hallelujah》全曲試聽（期間限定至明 9/21 11am）

△ 2016.12.17　11th Anniversary & 6th Album Release Tour 台灣場

【從二人的關係中畢業】卒業 / My Hair is Bad

情歌係每一個社會嘅必需品，向來以寫實情歌為賣點嘅 My Hair is Bad 就成功咁攻陷人心，今年五月經 EMI 主流出道，十月將推出 2nd Full Album 《woman’s》。

一講起畢業，好多人只會諗起學業上嘅畢業。從字面上解釋，畢業即係指完成達到某啲事情，即係好似大學讀夠 Credits 先畢到業咁。呢首歌用「畢業」黎形容戀人關係嘅結束。戀愛到底為何物，如果與戀人達唔到最終目標「結婚」，咁雙方付出嘅時間係唔係白費？戀愛係一種學問，互相認識彼此磨合，最終可能成為夫婦，可能成為陌路人。分開可能好痛，但以「畢業」角度諗，其實只係兩個人已經修畢彼此身上可得嘅學分，緣到盡時則畢業，然後又成長咗。

「涉谷車站今天一如既往地嘈吵　無法好好習慣獨處
人們在街角互相擁抱　東京彷彿已是春天
在歸家的電車上很快便坐下了　往平時相反的方向
既非戀人亦非朋友　從二人的關係裡　畢業 」

如果有興趣請點擊以下網址觀看完整 Music Video：
https://www.youtube.com/watch?v=3r8AHA5oE

青春電影般的疾走感 年輕就是一切－ Laughing Nerds And A Wallflower / NOT WONK

北海道苫小牧出身的 NOT WONK 於 2010年組成，雖然成員都在 1994 /1995 年出生，可能他們主要受 Mega City Four 以及 US Indie /Melodic Punk 影響，聽他們的音樂就好像回到九十年代的青春電影，最近一次在 BAYCAMP 看他們現場演出，不自覺地想像野村周平在日本電影中校園祭舞台上演出的畫面（Gt.Vo 加藤在台上演出的外表有幾分似人氣男演員野村周平）。

身處這一個被所謂 City Pop 淹沒的年代，好像 NOT WONK 這種簡單直接攻入內心的 PUNK 實在可貴，目前樂團隸屬前銀杏BOYZ成員安孫子真哉所主理的 Label「KiliKiliVilla」旗下，或者沒有會聽一輩子的 PUNK，但我相信所有人都曾經有一段迷戀 PUNK 的時期，而他們繼續堅持下去。

【我們現在的目標是成為「充滿著欲望的青年團 」】欲望に満ちた青年団 / ONE OK ROCK

每一個樂迷都有一個夢想希望睇樂團現場演出，當去到現場時又好希望可以現場聽到自己最想聽個首歌，聽到嘅話可以話係完夢，而「欲望に満ちた青年団」一定係 ONE OK ROCK 嘅歌入面我最想聽嘅頭五位（第一位一定係 Nobody's Home，好可惜有生之年應該都唔會係香港場聽到呢幾首。

最近每次 ONE OK ROCK 發表新歌都會引來好大反應，樂隊風格越黎越偏離當初日式熱血搖滾，歌詞慢慢改以全英文寫。好似「欲望に満ちた青年団」呢類歌名應該都唔會出現係將來新歌，因為要「國際化」。

我唔可以批評佢地話佢地與初心漸行漸遠，因為我唔係佢地，我又唔知佢地初心係點。當初寫呢首歌嘅係佢地，而家唱住陌生嘅新歌都係佢地，我相信佢地仍然係充滿著欲望的青年團，而呢四個人會憑住自己嘅能力，走到世界舞台。

【纏繞在腦海中揮之不去的樂音】揺らぎ巡る君の中のそれ / 雨のパレード (ame_no_parade)

雨のパレード最近舉行完第二次 One Man Tour。樂團自二月參加「列傳 TOUR 」，三月主流出道後可謂氣勢一發不可收拾。七月推出主流出道首張單曲《You》加上〈Morning〉一曲作為人氣動畫「ほのぼのログ」OP 令樂團知名度大升。這次的 ONE MAN TOUR 更是一般發售首日即完賣，今後將會繼續以「新世代樂團」姿態為日本音樂界開創新局面。

作為從 Indie 時代開始支持嘅我其實最喜歡的是主流出道前的作品，尤其是收錄於 Indie 時代推出的《Sense》裹面的〈揺らぎ巡る君の中のそれ 〉一曲，旋律可以說是一聽難忘，後來再重新編曲再收錄係今年三月推出的《New Generation》入面。所有對雨のパレード有興趣而又疑惑的人可以買先買《New Generation》聽下，可以說是集樂團之大成，iTune Store 有售。

【回到海洋最深處】The Ocean Floor / YOUR ROMANCE

適逢中秋節毒在家中，不如聽下歌，睇下 YOUR ROMANCE 精心製作嘅〈The Ocean Floor〉MV。MV 以宇宙為背景，太空人流離失所，漂浮外太空，搵極都搵唔到適合自己嘅地方。好似歌詞咁唱　“I am used to be alone”。此情此景有啲熟識，同中秋節毒在家中與明月相映成輝嘅自己有少少相似。

即使注定孤獨一人，你仍然有得揀——選擇聽咁 Chill 嘅 YOUR ROMANCE，自己享受迷失外太空嘅樂趣。

前排係新宿 Livehouse 偶然機會下睇到 YOUR ROMANCE 主唱 SHINJI 所夾嘅另一隊 Band「MISTAKES」。同佢傾開計，佢話無限歡迎任何 Live 邀請，仲講到幾時都可以去香港。唔知香港有無搞手有興趣邀請 YOUR ROMANCE 一齊漫遊太空呢？

完整MV：https://www.youtube.com/watch?v=jWpUQON6n8g

// 延伸閱讀 //
【潮流總是來了又回 重新回到八十年代】YOUR ROMANCE 

【不按常理出牌 推出一張專輯 6008 首歌的樂團】精神 / どついたるねん (SUSHI BOMBER)

日本好多古靈精怪嘅樂團，最廣為人知應該係空氣樂團「金爆 / Golde Bomber」。今次介紹同樣無厘頭嘅「どついたるねん」，於2015年去美國開 Tour 時改咗個英文名叫「SUSHI BOMBER」。

樂團於 2007 年成立，成員多次變動，2013年推出一本由川島小鳥、梅佳代、金子山等七名著名攝影師操刀嘅寫真集，同年更獲 BEAMS 起用為秋冬男裝 Model，推出合作 T－Shirt，以 Indie Band 黎講可以話係異例。

樂團於 2014年2月推出合共 198 曲嘅專輯《ピラミッドをぶっ壊せ!》，以為呢個已經係極限，點知佢地3月就推出咗張合共 6008 曲嘅專輯《grandmother' s milk》，無厘頭嘅樂團日本不嬲都有 Market，雖然意味不明，但就唔知點解聽聽下會中毒。好似呢首〈精神〉咁，聽完成個人都精神哂。

完整MV：https://www.youtube.com/watch?v=K2ATL0H1Gvs

【想像和現實之間的存在】リバース・デイ（Rebirth Day） / Halo at 四畳半

松井玲奈大推嘅「Halo at 四畳半」風格明顯帶有 BUMP OF CHICKEN 影子，兩隊樂團更同樣係千葉縣佐倉市出身。樂團名嘅組成與 BOC 嘅「弱者的反擊」有異曲同工之妙——「Halo」即包圍銀河嘅銀暈，屬於超越想像嘅存在，而「四畳半」即係指只有兩坪半大小的房間 ＝ 現實。樂團命名為Halo at 四畳半即係「想像和現實之間的存在」。

樂團主唱渡井翔汰第一隊鍾意嘅樂隊就係 BUMP OF CHICKEN，可以話係影響最深嘅樂隊。BOC 樂曲中唔少都係以說故事性質，主唱渡井表示自己都好鍾意睇故事，所以樂曲歌詞多數都係有「主人公」嘅故事性質。好似 Rebirth Day 呢首歌咁出現咗「飛向宇宙的少年」。

新世代黎講 Halo at 四畳半走嘅路線可以話係傳統 J－ROCK 路線，聽開嘅會鍾意。旋律好聽，鍾意嘅你會明白點解松井玲奈會話佢地好似宇宙般閃閃亮亮。

完整MV：https://www.youtube.com/watch?v=YY_y1z-4EBc

【炎炎夏日 吃一口清新爽口的音樂 】エマ(EMMA) / go!go!vanillas

雖然已經九月，但香港嘅夏天係唔會完結。

如果聽開 THE BAWDIES 嘅或者會對鍾意同樣係 Victor Entertainment (ビクター/JVC) 旗下嘅 go!go!vanillas。更有人戲稱 go!go!vanillas 係日文版 THE BAWDIES。兩隊樂團風格雖然有啲相似，相比起 BAWDIES 主唱 ROY 沙啞嘶吼嘅獨特唱腔，go!go!vanillas 主唱牧達弥嘅聲音就相對清新好多。兩隊關係更非常友好，主唱都有少少似樣……早前更一齊推出咗Spilt Single「Rockin' Zombies」，十月將展開「Rockin’ Zombies Tour 2016」全國 Tour。

聽住 go!go!vanillas 嘅音樂，身體就會自然隨住音樂擺動，就好似 MV 中入面嘅女高中生咁。幾時都話日本人鍾意跳舞，正因為如此 go!go!vanillas 近年可以話橫行日本各大音樂節，到處都可以見到佢地嘅蹤影。

如有興趣可到 YouTube 觀看完整 Music Video。
https://www.youtube.com/watch?v=QaSTGXGqA9I