【Welcome to the SHOW】Touch! / LUCKY TAPES

話就話星期五夜晚，但對好多人黎講星期五並唔等於可以放鬆，一直係忙碌中度過嘅人唯一選擇就係聽歌。

唔知係唔係過咗熱血嘅年紀，呢幾年已經好少聽王道系熱血搖滾，慢慢接觸唔同種類嘅日本音樂。尤其近年出現好多「New City Pop」，所有無法分類為傳統J－ROCK 嘅就被分類為 City Pop。

好似深受黑人音樂影響帶有 JAZZ、FUNK 嘅 LUCKY TAPES 自 2014 年結成，2015年推出專輯「The Show」廣獲好評，隨即係 2016年推出「Cigarette & Alcohol」，今年七月仲首次出演 FUJI ROCK，黎緊十月九日將會聯同支援樂手一同十一人首次去台灣演出，身在台灣嘅你絕對不能錯過樂團演出。

相比起「Live」，LUCKY TAPES 會將現場演出形容為「SHOW」，感覺上「SHOW」比較有「非日常感」同「娛樂性」，佢地希望可以用音樂帶比人去迪士尼樂園等主題樂園嘅感覺，藉著音樂逃避現實，睇完 SHOW，聽完歌，又要回到現實。

// 延伸閱讀 //

【FUJIROCK 不能錯過樂團系列】 － LUCKY TAPES

【潮流總是來了又走 屬於寬鬆世代的 City Pop】

【日法混血宅錄才女的幻想世界】 Universal Metro / Maika Loubté

日法混血的Maika Loubté 幼年時期曾經在日本、巴黎、香港多處生活過，不同國家組成的童年令她意識到自己可以創造適合任何國家，不同場合聽的音樂，Maika 自五歲開始學鋼琴，十四歲開始自學宅錄，Maika 尤其愛用老式合成器，或者因為如此，聽 Maika 創作感受到幾分復古的味道，新舊交集下我感受到宇宙，是浩瀚無垠的宇宙，創作無限的世界，今後絕對不能忽視嘅才女。

提醒一下在台灣的朋友， Maika Loubté 將出席十月十五日舉行的潮州街音樂節 ，有幸在台灣的話不妨到場體驗一下 Maika 的幻想世界。

【潮流總是來了又去 但音樂是永恆的】advantage / OGRE YOU ASSHOLE

OGRE YOU ASSHOLE 成立於 2001 年長野縣，樂團深受六七十年代Psychedelic Rock 影響，有一次美國 Indie Modest Mouse 來日到長野縣松本演出，正好被成員巧遇他們，於是向他們詢問改樂團名字的意見， 爛醉如泥的 Modest Mouse前 Bass 手 Eric Judy 就在 OGRE YOU ASSHOLE前鼓手西新太手臂到寫了「OGRE YOU ASSHOLE」，後來 Modest Mouse 再去日本公演時更邀請咗 OGRE 作為 GUEST 演出，很可惜當時 Eric Judy 已經忘了曾經為樂團命名的事，事實上 OGRE 亦深受外國樂團歡迎，例如之前和佢地曾經對盤演出好幾次並將於十二月再到日本演出的 Deerhoof 再度邀請了他們同台演出。

【假如一開始就沒有相遇這件事】我逢人 / Mrs. GREEN APPLE

新世代最強武器非 Mrs. GREEN APPLE 莫屬，甚至被譽為次世代嘅 SEKAI NO OWARI。雖然今年從年頭開始就陸續有唔同年輕樂團主流出道，但講起年齡，Mrs. GREEN APPLE 仍然處於極大優勢，1996 年出生嘅主唱大森元貴係今年九月先滿 20 歲，正式成為大人（今年主流出道嘅樂團大多都係 1991/ 1992 世代，好似 SHE'S / My Hair is Bad 等）。

雖然音樂唔係以年齡黎決勝負，但未滿二十歲已經成功帶領到樂團從 Indie 到主流出道，可以話潛力無限。大森元貴自十二歲開始自己係屋企創作，一開始由 Bass line，Guitar Riff 到 Drum Pattern 都係由佢一個人包辦，而呢一段 Live 片入面〈我逢人〉就係大森元貴係十七歲時創作。歌名「我逢人」出自中國禪語，從字面解釋就係「人與人之間的相遇」，呢首歌係其中一首我最鍾意，而由於片入面呢場 Live 正正就係我第一次係現場睇 Mrs. GREEN APPLE，第一次同佢地相遇，所以好想分享比大家睇。

片段中嘅大森元貴當時只有十八歲，但佢嘅台風同演奏力完全超出一個十八歲應有嘅水平，雖然外表仍帶有點稚氣，但佢一開口舉手動足就可以吸引到全場將目光放係佢身上，個人魅力尤其出眾。
當然樂團並唔係靠一個人，仲有 1993 年出生嘅 Keyboard 手藤澤涼架帶動氣氛，尤其日本好多 Live 演出都係一場有幾隊 Band，觀眾未必識每一隊，所以如何令到呢啲觀眾就算唔識都可以睇得開心，氣氛帶動者好重要，好似藤澤涼架就好鍾意係台上跳跳紮，帶領觀眾一齊跳。

隨住 Mrs. GREEN APPLE 人氣越黎越旺盛，年紀輕輕嘅佢地尤其吸納咗好多中學生樂迷，越黎越少機會係細 Livehouse 到睇到佢地，亦無機會再同大森元貴吹水，距離感越黎越大，自己亦無以前咁常聽佢地，但如果當初無同佢地相遇過，無見識過佢驚為天人嘅演出，或者我而家聽緊嘅音樂又唔同咗。

「比方說從來沒有「相遇」這件事
比方說連「你」也沒有存在過
那樣的話 那樣一定
一個人寂寞和悲傷到連呼吸也停止了吧

你的溫柔讓我即使受傷也能笑
但也只有你的微笑
讓我從心底討厭這個拯救不了的世界」

【新世代男女混合三主音四人組樂團】九休さん / FEEDWIT

這次介紹以大阪為中心發展男女混合的三主音四人組樂團「FEEDWIT」，樂團全員二十歲青梅竹馬，今年九月經 Indie Label ART LOVE MUSIC Label 推出第一張流通盤「ねこまんまのレシピ」，流通盤即指流通於市面上，可以在唱片店買到，推出流通盤可以說是 Indie Band 第一步，而不單止在 Livehouse 會場限定的 CD。

雖然樂團只是剛開始發展，而我也沒有去過他們的現場演出無法感受現場實力如何，不過單純看 MV 我相信佢地絕對有潛質成名，因為他們擁有日本人最鍾意的「中毒性」，只要聽了一次就會不自覺地被洗腦。

【都市人的共同情感】ホリデイ(HOLIDAY) / Sugar's Campaign

如果鍾意電子嘢 / tofubeats 嘅或者你會鍾意「 Sugar's Campaign」。

或者你未聽過佢地個名但可能你會聽過「Seiho」「avec avec」兩位以宅錄電子混音為名嘅製作人，而「Sugar's Campaign」就係由「Seiho」同「Avec Avec」合作嘅 Project，創作以 80 年代 City Pop 為基調，正式成員只有佢地兩個，組合無特定主唱，每一次都會邀請唔同音樂人合作，好似係佢地上個月推出嘅專輯「ママゴト」入面同名歌曲「ママゴト」就邀請咗井上苑子作為 Guest Vocal，呢一隊 POP UNIT 就將自己形容為馬戲團，Avec Avec 同 Seiho 嘅角色就係負責寫劇本同搵唔同嘅演員演出。

而今次介紹呢首「HOLIDAY」 就係出自佢地 2015年1月推出嘅主流出道 1st Album「FRIENDS」。講起呢隻碟我真係要比一萬個趣，事關佢有首歌叫「香港生活」。事實上佢地並無去過香港，樂曲中寫嘅「香港生活」純粹係出自個人對「香港」嘅想像「Endless Night」。另外一首「夢見ちゃいなガール」一更加出現咗中文歌詞。

如有興趣請點擊收看完整 MV：
ホリデイ / Sugar's Campaign
https://www.youtube.com/watch?v=Xl3xnY9QG_Q

ママゴト / Sugar's Campaign
https://www.youtube.com/watch?v=26Gjaj96MkM

【與花草樹木融為一體的自然樂音】Thailand / Oh Shu 王舟

同鍾意跳舞嘅日本人相反，香港近年流行小清新，一把木結他一副眼鏡，文青少女就被攻陷。奈何我比較傳統，唔係話下下都要 MOSH 但坐係到我真係瞓得著，所以我好少留意個人歌手。但最近係下北沢THREE 睇完王舟嘅 Acoustic 演出，我又有少少被攻陷。

上海出身嘅王舟八歲時跟隨父母黎到日本，自細係上海受到重視「個性」嘅教育，相反黎到極度重視「協調性」嘅日本，王舟就唔希望受所謂「協調性」限制，希望創造出屬於自己嘅音樂。

王舟目前隸屬於Spangle Call Lilli Line 所屬嘅Indie Label felicity 旗下。雖然目前以個人唱作歌手發展，但有時都會以樂團編制演出，而且 Support 樂手都大有來頭。好似シャムキャッツ主唱夏目知幸、小林うてな（D.A.N. support）都曾經以樂隊編制形式支援王舟現場演出。

如果鍾意 Folk / Country Music 嘅話王舟應該好啱你口味：）

【獨自站在城市的暗角】The City / Lillies and Remains

“When you’re chasing the urban life, you’ll realized the throbbing pain”

若聽久了新生代那些像霓虹燈那樣閃閃亮亮的 City Pop，偶爾想走入昏暗的後巷裡靜靜沈澱一下的話，Lillies and Remains 絕對是好選擇。

冷硬的吉他，平板的聲線，灰色的氣氛。

第一次聽Lillies and Remains，從曲調到主唱，還以為是哪隊外國Post-Punk樂團。而樂團名字也立即令人聯想起 BAUHAUS 那首〈Of Lillies and Remains〉，同樣是那麼冰冷而無機質。與日本樂團的氣氛大相逕庭，因此 indie debut 當時便受到浅井健一等樂團各界前輩的好評，BUCK-TICK 吉他手今井壽更在部落格上特地寫了整篇文章大讚他們。

主唱 KENT 無甚起伏又深沈的歌聲，令人有點想起 Depeche Mode。或許因為如此，8月11日 在 THE NOVEMBERS 主辦的「首」，KENT與土屋昌已、yukihiro、THE NOVEMBERS 的高松浩史和 PLASTICZOOMS 的TOM 更組了一晚限定的 special session band，Cover 了五首 Depeche Mode。我想日本大概也沒有其他人能夠把 Depeche Mode 再現得那麼傳神。

C

【最討厭不能跳舞的晚上 來自關西的魔音】オドループ (Oddloop) / フレデリック( Fredrick)

近年日本掀起踊るロック（Dance Rock）風潮。日本人鍾意跳舞是常識，好似以オドループ（Oddloop）一曲成名嘅フレデリック（Fredrick）高歌「最唔鍾意無得跳舞嘅夜晚」。樂團於 2009 年組成，於 2014 年推出 Mini Album 「Oddloop」主流出道，與 ONE OK ROCK，THE ORAL CIGARETTES 同屬 A-Sketch。

聽住 oddloop ，腦入面好自然會不停Loop，目前 YouTube 上嘅 View Rates 已經超過 1457 萬，中毒性節奏加上不斷重覆嘅歌詞，再加埋目無表情嘅靚女 Model，呢首歌可以話集齊所有會紅嘅因素。

官方 MV 有埋中文字幕，歡迎點擊收看。https://www.youtube.com/watch?v=PCp2iXA1uLE

// 延伸閱讀 //

2 Step 教學
何謂 Mosh Pit

【重新找回最初愛上音樂的衝動 從 Instagram 開始的青春樂團 】 Kiss / lovefilm

稱霸日本各大音樂祭嘅 the telephones 正處於活動休止狀態，成員各自發展參與唔同樂團。好似之前介紹過 Bass手長島涼平參與嘅フレンズ（Friends），而 the telephones Vocal 石毛輝同岡本伸明就希望組一隊女性 Vocal 嘅樂團，於是邀請咗係下北澤 Livehouse THREE 工作嘅高橋昌志（ Teen Runnings / The Pats Dr. ）。

石毛係 Instagram 偶然中發現江夏詩織 Instagram。佢最重視係「感性」，從江夏 Instagram 中佢感受到呢樣嘢，而且江夏本身無夾過 Band，因此覺得似乎會帶來唔少新刺激。加上江夏本人都好鍾意音樂，從八歲開始彈琴，偶爾會上載彈琴片段上 Instagram。

最初接受到邀請時本身做開 Model 嘅江夏以為係拍 MV / CD 封面等邀約，點知原來係一齊夾 Band，本人都非常驚訝，更加估唔到石毛係因為睇完自己 Instagram 而邀請。最後通過卡啦 OK 嘅歌唱實力測試後，女版 the telephones——lovefilm 就係今年一月正式組成。

伴隨住 the telephones 嘅名氣出道，lovefilm 今年未出碟已出席多個大型音樂祭，八月推出第一張
同名專輯《lovefilm》，樂隊成立希望以現代方式呈現返九十年代一度盛行嘅 Alternative ，雖然女主唱江夏今年只有二十一歲，佢都係聽開九十年代樂團長大、例如 SUPERCAR，くるり（Kururi），ゆらゆら帝国，andymori 等。

「青春」可以話係 lovefilm 嘅關鍵詞。江夏詩織由中學時期已開始女演員及 Model 工作，無參過任何學校嘅文化祭，體育祭甚至連修學旅行都無去過，到高中時更轉咗通信制學校，即係連學都唔洗返。對於無感受過校園青春嘅江夏黎講，lovefilm 係佢二十一年人生以黎最青春嘅一件事。而今年 32 歲嘅石毛輝係舊年結束咗佔佢目前人生三分之一嘅 the telephones ，明白自己已無法回到純真無邪，於 32 歲組成新樂團，作曲時佢盡量唔考慮理論方面，而係與內心嘅自己對話，希望能創造出感動自己嘅音樂。

如有興趣請點寫擊以下網址觀看完整 MUSIC VIDEO：
https://www.youtube.com/watch?v=YsopBGIO2Bg

// 延伸閱讀 //

日本樂團界一大傳奇 - 愛與 Disco 稱霸各大音樂節的 the telephones

大人的 City Pop 「神泉系樂團」 － 夜にダンス / フレンズ（Friends）

【宛如心臟脈動的轟鳴】Birthday / THE NOVEMBERS

我們都清楚，美麗的日常景像之下，藏著那麼多哀傷又憤怒的事實，但我們總是無法停止逃避。

那麼就讓 THE NOVEMBERS 把我們抑壓的喜怒哀樂、真實與虛假都一一曝露在震撼鼓膜的嘶叫與轟音裡，誠實地承認所有的醜陋與美好都是生命的一部分。

那些沉重又激烈的節拍，就是此刻心臟面對生活時的跳動。

「觀賞著電影裡笑著互相瞞騙對方的戀人
你保持沉默　不知不覺間靜靜地睡去

潔癖的世界　天花板與水管
和我擁有相同樣名字的小貓
早晨的牛奶　小朋友們　他們是如此幸福
變得圓滑世固　瞧啊我們　許下了可愛的承諾
相信著僅需如此便能繼續生存下去

我今天一如既往待在這房間裡漸漸變得渺小
一如既往目睹著同樣的夢
遺忘著外面的世界誰人正在被侵犯這事實」

C

// 更多關於 THE NOVEMBERS //

▲ 6th Album《Hallelujah》全曲試聽（期間限定至明 9/21 11am）

△ 2016.12.17　11th Anniversary & 6th Album Release Tour 台灣場

【從二人的關係中畢業】卒業 / My Hair is Bad

情歌係每一個社會嘅必需品，向來以寫實情歌為賣點嘅 My Hair is Bad 就成功咁攻陷人心，今年五月經 EMI 主流出道，十月將推出 2nd Full Album 《woman’s》。

一講起畢業，好多人只會諗起學業上嘅畢業。從字面上解釋，畢業即係指完成達到某啲事情，即係好似大學讀夠 Credits 先畢到業咁。呢首歌用「畢業」黎形容戀人關係嘅結束。戀愛到底為何物，如果與戀人達唔到最終目標「結婚」，咁雙方付出嘅時間係唔係白費？戀愛係一種學問，互相認識彼此磨合，最終可能成為夫婦，可能成為陌路人。分開可能好痛，但以「畢業」角度諗，其實只係兩個人已經修畢彼此身上可得嘅學分，緣到盡時則畢業，然後又成長咗。

「涉谷車站今天一如既往地嘈吵　無法好好習慣獨處
人們在街角互相擁抱　東京彷彿已是春天
在歸家的電車上很快便坐下了　往平時相反的方向
既非戀人亦非朋友　從二人的關係裡　畢業 」

如果有興趣請點擊以下網址觀看完整 Music Video：
https://www.youtube.com/watch?v=3r8AHA5oE

青春電影般的疾走感 年輕就是一切－ Laughing Nerds And A Wallflower / NOT WONK

北海道苫小牧出身的 NOT WONK 於 2010年組成，雖然成員都在 1994 /1995 年出生，可能他們主要受 Mega City Four 以及 US Indie /Melodic Punk 影響，聽他們的音樂就好像回到九十年代的青春電影，最近一次在 BAYCAMP 看他們現場演出，不自覺地想像野村周平在日本電影中校園祭舞台上演出的畫面（Gt.Vo 加藤在台上演出的外表有幾分似人氣男演員野村周平）。

身處這一個被所謂 City Pop 淹沒的年代，好像 NOT WONK 這種簡單直接攻入內心的 PUNK 實在可貴，目前樂團隸屬前銀杏BOYZ成員安孫子真哉所主理的 Label「KiliKiliVilla」旗下，或者沒有會聽一輩子的 PUNK，但我相信所有人都曾經有一段迷戀 PUNK 的時期，而他們繼續堅持下去。

【我們現在的目標是成為「充滿著欲望的青年團 」】欲望に満ちた青年団 / ONE OK ROCK

每一個樂迷都有一個夢想希望睇樂團現場演出，當去到現場時又好希望可以現場聽到自己最想聽個首歌，聽到嘅話可以話係完夢，而「欲望に満ちた青年団」一定係 ONE OK ROCK 嘅歌入面我最想聽嘅頭五位（第一位一定係 Nobody's Home，好可惜有生之年應該都唔會係香港場聽到呢幾首。

最近每次 ONE OK ROCK 發表新歌都會引來好大反應，樂隊風格越黎越偏離當初日式熱血搖滾，歌詞慢慢改以全英文寫。好似「欲望に満ちた青年団」呢類歌名應該都唔會出現係將來新歌，因為要「國際化」。

我唔可以批評佢地話佢地與初心漸行漸遠，因為我唔係佢地，我又唔知佢地初心係點。當初寫呢首歌嘅係佢地，而家唱住陌生嘅新歌都係佢地，我相信佢地仍然係充滿著欲望的青年團，而呢四個人會憑住自己嘅能力，走到世界舞台。

【纏繞在腦海中揮之不去的樂音】揺らぎ巡る君の中のそれ / 雨のパレード (ame_no_parade)

雨のパレード最近舉行完第二次 One Man Tour。樂團自二月參加「列傳 TOUR 」，三月主流出道後可謂氣勢一發不可收拾。七月推出主流出道首張單曲《You》加上〈Morning〉一曲作為人氣動畫「ほのぼのログ」OP 令樂團知名度大升。這次的 ONE MAN TOUR 更是一般發售首日即完賣，今後將會繼續以「新世代樂團」姿態為日本音樂界開創新局面。

作為從 Indie 時代開始支持嘅我其實最喜歡的是主流出道前的作品，尤其是收錄於 Indie 時代推出的《Sense》裹面的〈揺らぎ巡る君の中のそれ 〉一曲，旋律可以說是一聽難忘，後來再重新編曲再收錄係今年三月推出的《New Generation》入面。所有對雨のパレード有興趣而又疑惑的人可以買先買《New Generation》聽下，可以說是集樂團之大成，iTune Store 有售。

【回到海洋最深處】The Ocean Floor / YOUR ROMANCE

適逢中秋節毒在家中，不如聽下歌，睇下 YOUR ROMANCE 精心製作嘅〈The Ocean Floor〉MV。MV 以宇宙為背景，太空人流離失所，漂浮外太空，搵極都搵唔到適合自己嘅地方。好似歌詞咁唱　“I am used to be alone”。此情此景有啲熟識，同中秋節毒在家中與明月相映成輝嘅自己有少少相似。

即使注定孤獨一人，你仍然有得揀——選擇聽咁 Chill 嘅 YOUR ROMANCE，自己享受迷失外太空嘅樂趣。

前排係新宿 Livehouse 偶然機會下睇到 YOUR ROMANCE 主唱 SHINJI 所夾嘅另一隊 Band「MISTAKES」。同佢傾開計，佢話無限歡迎任何 Live 邀請，仲講到幾時都可以去香港。唔知香港有無搞手有興趣邀請 YOUR ROMANCE 一齊漫遊太空呢？

完整MV：https://www.youtube.com/watch?v=jWpUQON6n8g

// 延伸閱讀 //
【潮流總是來了又回 重新回到八十年代】YOUR ROMANCE 

【不按常理出牌 推出一張專輯 6008 首歌的樂團】精神 / どついたるねん (SUSHI BOMBER)

日本好多古靈精怪嘅樂團，最廣為人知應該係空氣樂團「金爆 / Golde Bomber」。今次介紹同樣無厘頭嘅「どついたるねん」，於2015年去美國開 Tour 時改咗個英文名叫「SUSHI BOMBER」。

樂團於 2007 年成立，成員多次變動，2013年推出一本由川島小鳥、梅佳代、金子山等七名著名攝影師操刀嘅寫真集，同年更獲 BEAMS 起用為秋冬男裝 Model，推出合作 T－Shirt，以 Indie Band 黎講可以話係異例。

樂團於 2014年2月推出合共 198 曲嘅專輯《ピラミッドをぶっ壊せ!》，以為呢個已經係極限，點知佢地3月就推出咗張合共 6008 曲嘅專輯《grandmother' s milk》，無厘頭嘅樂團日本不嬲都有 Market，雖然意味不明，但就唔知點解聽聽下會中毒。好似呢首〈精神〉咁，聽完成個人都精神哂。

完整MV：https://www.youtube.com/watch?v=K2ATL0H1Gvs

【想像和現實之間的存在】リバース・デイ（Rebirth Day） / Halo at 四畳半

松井玲奈大推嘅「Halo at 四畳半」風格明顯帶有 BUMP OF CHICKEN 影子，兩隊樂團更同樣係千葉縣佐倉市出身。樂團名嘅組成與 BOC 嘅「弱者的反擊」有異曲同工之妙——「Halo」即包圍銀河嘅銀暈，屬於超越想像嘅存在，而「四畳半」即係指只有兩坪半大小的房間 ＝ 現實。樂團命名為Halo at 四畳半即係「想像和現實之間的存在」。

樂團主唱渡井翔汰第一隊鍾意嘅樂隊就係 BUMP OF CHICKEN，可以話係影響最深嘅樂隊。BOC 樂曲中唔少都係以說故事性質，主唱渡井表示自己都好鍾意睇故事，所以樂曲歌詞多數都係有「主人公」嘅故事性質。好似 Rebirth Day 呢首歌咁出現咗「飛向宇宙的少年」。

新世代黎講 Halo at 四畳半走嘅路線可以話係傳統 J－ROCK 路線，聽開嘅會鍾意。旋律好聽，鍾意嘅你會明白點解松井玲奈會話佢地好似宇宙般閃閃亮亮。

完整MV：https://www.youtube.com/watch?v=YY_y1z-4EBc

【炎炎夏日 吃一口清新爽口的音樂 】エマ(EMMA) / go!go!vanillas

雖然已經九月，但香港嘅夏天係唔會完結。

如果聽開 THE BAWDIES 嘅或者會對鍾意同樣係 Victor Entertainment (ビクター/JVC) 旗下嘅 go!go!vanillas。更有人戲稱 go!go!vanillas 係日文版 THE BAWDIES。兩隊樂團風格雖然有啲相似，相比起 BAWDIES 主唱 ROY 沙啞嘶吼嘅獨特唱腔，go!go!vanillas 主唱牧達弥嘅聲音就相對清新好多。兩隊關係更非常友好，主唱都有少少似樣……早前更一齊推出咗Spilt Single「Rockin' Zombies」，十月將展開「Rockin’ Zombies Tour 2016」全國 Tour。

聽住 go!go!vanillas 嘅音樂，身體就會自然隨住音樂擺動，就好似 MV 中入面嘅女高中生咁。幾時都話日本人鍾意跳舞，正因為如此 go!go!vanillas 近年可以話橫行日本各大音樂節，到處都可以見到佢地嘅蹤影。

如有興趣可到 YouTube 觀看完整 Music Video。
https://www.youtube.com/watch?v=QaSTGXGqA9I

【智能手機將成為我的內臟 獻給幻想振動症候群的你】ファントムヴァイブレーション（Phantom Vibration) / キュウソネコカミ（Kyuso Nekokami）

今次想介紹返キュウソネコカミ（Kyuso Nekokami / 窮鼠）。或者香港人對佢地個名好陌生，但佢地係日本名氣絕不遜於 [Alexandros] 或 KANA-BOON 等樂團。好可惜佢地改名改得差，唔識日文嘅未必會記到佢地嘅名。

不過就算唔識日文，睇佢地嘅 MV 都一定識笑。佢地真係好識利用 MV 黎炒話題，好似2013年推出嘅〈ファントムヴァイブレーション〉（Phantom Vibration)，中文即係「幻想振動症」——明明手機無震，但自己覺得有震……我諗大家都明。

MV 入面又扮 Apple 又扮 au 廣告，非常有趣。明明無事但一得閒又好想碌手機有咩睇、明明啱啱先碌完隔咗幾分鐘又好想碌多次、一發生咩事即刻想 Upload 係網上……歌詞寫得太貼切，當中最入骨就係樂曲中不斷重覆嘅「智能手機將成為我的內臟 」。

作為智能手機嘅奴隸，我當然唔會同大家講「得閒放底手機，望下周邊風景」呢啲廢話。可能智能手機真係減少咗好多人與人之間嘅面對面溝通，但毒毒地嘅我覺得智能手機實在係偉大發明，尤其朋友飯局覺得無癮時可以禁下手機，一個人睇 Live 等開演無嘢做又係禁手機，我又成日諗如果無智能手機，我應該去唔到日本旅行，無 Google Map 又無得查點搭車更加唔可以即時網上 Google。

其實又真係好甘心比智能手機成為我嘅內臟。

【夢幻與現實 無法解釋的交叉點】Dali / PELICAN FANCLUB

仿佛係昏暗燈光之下彈奏既結他音色、感覺到空氣係耳邊迴盪般既廣闊空間感、主唱エンドウ明亮又稍微帶點沙啞既歌聲…… 係吉他開始彈奏個刻，就已經覺得自己浮遊左去夢幻與現實之間。

「春天如此美好　天空於公園裡飛舞」
「糖漿從天而降　太陽傘盤旋於半空」

雖然〈Dali〉既歌詞入面並無任何對達利畫作既直接描寫，但手法卻相似——將看似毫無聯繫既語句並置，帶出一種錯亂的印象。主唱エンドウ講過，專輯希望表達出生活中，經常遇上突然纏繞住內心，卻不能完滿解釋、仿如「謎題」般既感覺。而細心留意PV，亦會發現經常出現既「dead」同「alive」呢兩個英文字，最後組成左「Dali」，為歌曲加多一重解讀既趣味。

生與死、何謂表現的自由？“I don’t understand.”

Dream Pop、Shoegaze、Pop Rock …… PELICAN FANCLUB 最吸引人的地方，就係不停游走於模糊既界線之上，每一張專輯、每一首歌都嘗試混和不同風格。雖然無法準確描述究竟係屬於咩類型，但卻可以感覺到佢地一貫保持著一種深沉，明亮之中同時透著陰影。

p.s. 繪畫作品對 PELICAN FANCLUB 黎講算係幾重要既靈感來源。同樣來自第二張專輯既〈Variety Mania Talent System〉描寫左 René Magritte 既 “Golconda”。而《OK BALLADE》入面既〈アンナとパーネット〉（Anna 與 Barnett）就以抽象畫家 Barnett Newman 既 “Anna’s Light” 為主題，連 CD 設計＆膠殼都同幅畫一樣，填滿鮮豔既紅色。

 

// C

話說回來本來 M－OSH CLUB 成立契機就係因為受 PELICAN FANCLUB「共有しようぜ！」行動所啓發，如果大家鍾意呢首歌嘅話不妨向朋友 Share 一下，鑑於我地無錢比 Facebook 所以呢個 Post 可能唔會出現係你 Timeline 到，多謝大家支持……共有しようぜ！

有關「共有しようぜ！」詳情

完整 MV：https://www.youtube.com/watch?v=86idQWINUZA

【最適合慵懶的星期五晚上】Little Boy / Seuss

近年關西樂團人才輩出，好似 The fin. / Homecomings / HAPPY 等都係關西出身。而以大阪/京都為中心活動嘅 Seuss 成員同 The fin. 更加係由高中時代相識，可以話互相影響音樂路線同風格，兩團亦不時共演，鍾意 the fin. 嘅你大概會鍾意 Seuss 慵懶嘅氣息。

完整MV：https://www.youtube.com/watch?v=ujtzy35PWhw

【描繪日常生活的風景 那天在巴士站遇見的女孩】GIRL AT THE BUS STOP / シャムキャッツ (SIAMESE CATS)

如果喜歡 SUNNY DAY SERVICE 的你或者會喜歡上 SIAMESE CATS （暹羅貓）。兩隊樂團歌曲同樣以描繪日常生活為主，今年二月更加一同舉行過 Two Man Live。

 SIAMESE CATS 於 2007 年於東京都內成立，無論樂團成員的外表定係 MV 都帶比人「普通」的感覺，網上評論更加有人說歌曲似乎無高潮嘅感覺，MV 中亦甚少會出現搶眼的靚女 Model。〈GIRL AT THE BUS STOP〉呢個MV 入面，只有主唱夏目知幸很普通地走路，甚至一開場的場景與香港舊式公屋非常相似。

或者這就是樂團特色「普通」，但歌曲卻可以慢慢地滲透到人的內心，令人好想一整天無限循環。

 

【堅信自己 勇往直前】Yeah! Yeah! Yeah! / androp

每一個人都會經歷過躊躇不安嘅時期，其實好多時候自己心入面都有個決定，詢問朋友只不過想要一個肯定，作為朋友嘅呢個時候只需要推一把。

自問唔識安慰人，當朋友有煩惱時唯一可以做嘅就係聽訴，又或者可以介紹音樂比佢聽。兩個月前莫名奇妙地深受問題電話騷擾，對方不斷同我講話好唔開心想搵人傾訴，一心知道對方係玩嘢好理所當然地叫佢打去撒瑪利亞外，我同佢講咗句「聽歌」，佢呆咗。或者咁講有啲誇張，但我真係相信音樂能醫百病。

唔知係唔係因為自細睇開日劇大，個人諗嘢都會正面啲。好似多次被日劇選為主題曲嘅 androp，向來形象正面，作風低調。舊年夏天為三ツ矢Cider 提供嘅廣告歌「Yeah! Yeah! Yeah!」就係一首為努力中嘅人寫嘅應援曲，歌詞簡單直接，就算聽唔明歌詞都會比呢首歌激勵到，好似會帶比人向前進嘅勇氣。

話說舊年華納台灣開始加強宣傳 androp ，甚至將簡簡單單六個字嘅英文名翻譯成「安哲洛普樂團」，成件事變到好唔知點講...其實 androp 呢個名只係 and + drop，翻譯到咁我實在不敢恭維。

另外呢個華納台灣官方 Post 嘅有中文歌詞，有興趣可以自己睇下：https://www.youtube.com/watch?v=u3HyyiZK8tw

【大多數人認同的 ＝ 正確？】天使と悪魔 / SEKAI NO OWARI

呢個世界好得意，當大部分人認同嘅就會變咗「正確」，「少數」就會被排斥，而跟隨主流認同所謂「正確」嘅人可能根本唔知道自己所選擇嘅為何「正確」，只會一味指摘與自己持相反意見嘅「少數」。

第一次認識 SEKAI NO OWARI 就係因為呢首歌「天使と悪魔」，2010年被選為「霊能力者 小田霧響子の嘘」主題曲，當時嘅石原bb 仲未有咁多人識，當時嘅「 SEKAI NO OWARI」仍然係「世界の終わり」，後來為咗向世界發展而改咗做「SEKAI NO OWARI」，事實證明當初改名係正確。

主唱 Fukase 經常被人話係中二病，樂團出道以黎不斷受抨擊。但其實佢中二得黎歌曲歌詞好值得探究，好似呢首「天使と悪魔」講二元論，到底咩係正確，天使係唔係一定係善良，惡魔係唔係一定代表邪惡？

我又諗起經典日劇「LIAR GAME」入面嘅一個遊戲「少數決」。與傳統民主社會「少數服從多數」相反，遊戲中少數為勝。究竟咩係「民主」我真係好懷疑。一人一票係唔係就係民主？但事實反映好多人缺乏理性思考嘅能力，而社會中呢堆人更加係佔大多數，即使「少數」嘅理念同能力有幾卓越有幾優秀，因為佢地係社會入面嘅「少數」，所以佢地無得出聲。

如果有興趣可以睇返官方完整 MV，天使と悪魔 / SEKAI NO OWARI（內含中文字幕）
https://www.youtube.com/watch?v=hVFY4Yvv3ho

【簡單直接 貫徹自己相信的價值】 革命 / andymori

9月4號，係香港既大家應該都知呢日有幾重要。可能「革命」呢個詞感覺太沉重，但相信無人想一直維持而家呢個局面，而就算只係一個好微細既地方有一個根本既改變，我認為就足以叫做「革命」。

講返 andymori。疾走般既速度感、簡單明亮既旋律、主唱小山田壯平毫不造作既直率歌聲，因此亦曾被稱為「日版The Libertines」。andymori 高達8成既歌都好短，所有情感同訊息都濃縮哂係2-3分鐘入面。而唔少歌詞亦有包含反思並批判社會既描寫，好似〈Weapons of mass destruction〉，同埋呢首好直接既〈革命〉。

就如歌詞入面所言，改變一定唔係一朝一夕，但如果我地貫徹自己支持既理念去做每一件事，至少可以期望有人會被自己影響、可以話比自己聽仍然有希望。（有時聽andymori，會覺得每張album都好似，但我諗因為呢個就係佢地希望貫徹始終既音樂。）

而今日最輕而易舉，但又最有重量既行動，唔駛講一定係去票站投票。去到 10:30 pm。

－

「要燃起革命　任誰在今夜都祈求著能看到美夢的理由
要燃起革命　任誰都在雀躍地期待風起的理由
就像電話不止地鈴鈴作響般　革命正在喚來　熱氣正在沸騰

在100次　1000次　10000次放聲大喊之後
仍無法傳遞　仍無法送達的思想
在100日　1000日　10000日之後
必定會像陣風般吹拂到某人的心坎裡

要燃起革命　任誰在今夜都祈求著明日到臨的理由
就像小號嘹亮銳利的音色般　革命正在喚來　熱氣正在沸騰

在100次　1000次　10000次不斷重覆之後
仍無法傳遞　仍無法送達的思想
在100日　1000日　10000日之後
必定會像陣風般吹拂到等待黎明的心坎裡」

// C

【重整被夏天打亂的心 迎接九月】 セプテンバーさん / RADWIMPS

九月三號當然要聽呢首セプテンバーさん ( September San）。RADWIMPS 首首歌都近乎神級，但セプテンバーさん就係我最想係 Live 聽嘅其中一首。睇過佢地 One Man 都一直無機會聽到，希望有一日，又或者係香港可以聽到呢首嘅 Live。

相比起 MV，我更加鍾意睇 Live片，樂迷同樂隊嘅互動最有趣，好似呢首歌野田同樂迷鬥長氣，令人好想親身係現場一首唱⋯

呢段出自RADWIMPS 推出嘅 Blu-ray& DVD「青とメメメ」入面，記錄咗RADWIMPS 第一次舉行嘅野外 ONE MAN 「青とメメメ」，場地係宮城縣，當時 2013 年係東日本大地震發生後兩年，除咗 Live 之外仲有相關記錄片內容，非常值得一睇。

提提下大家，聽完呢首九月三，聽日就到九月四啦。

完整LIVE：https://www.youtube.com/watch?v=gnmqEaiYfUg

【星期五的搖籃曲 一解思鄉之愁】Lullaby for TOKYO CITY / Awesome City Club

過去呢個夏天身邊唔少朋友去咗日本旅行，日本的確係一個一去難忘嘅地方，好多人話日本只適合旅遊而唔適合長居，計我話都係因人而異，尤其係東京呢個城市，一個令人追夢同時又可以叫人捨棄夢想嘅地方。

從第一次去日本之前對東京鐵塔充滿幻想，去到而家熟哂新宿行去涉谷條路，對東京嘅感情已經唔單止係由自己單方面睇日劇，電影幻想出黎，而係有咗共同回憶，記得由涉谷 TOWER RECORDS 行去宮下公園條路我遇過邊個，每次旅程完結返去香港都回憶返全部。

如果你同我有著共同煩惱，不如聽下 Awesome City Club 「Lullaby for TOKYO CITY」一解鄉愁，MV 採用 360度攝影，使用手機觀看效果更佳，有種被涉谷包圍住嘅感覺。

睇睇下，又想買定機票。

【與過去溫柔道別】years / odol

又到 9月1日。可能仲讀緊書既大家會好唔捨得暑假，但今年畢業而且仲未搵到工既本人，諗起無得再返學同埋可能要做廢青到唔知幾時，就有少少寂寞同深深既不安……

今年亦正好係平均年齡 22 歲既 odol 各個成員面對各大學畢業，開始認真決定前途既一年。第二張專輯《YEARS》就係呢個要同舊有既生活講再見既同時，又要去迎接新事物既時間同環境下創作出黎。

專輯第一首曲〈Years〉可以話係總括左成張專輯既風格。比起出道作《odol》，減少左偏向 shoegaze 既轟音，編曲變得更加溫柔晶瑩，有種慢慢滲入心裡既感覺。歌詞以將要去同曾經好重要既人見面為題，一如以往細膩咁描寫日常生活中平凡既情感，雖然講唔出咩大道理，但亦正因為咁而好有親切感。

「 無聲無息地　我們的街道連顏色也改變
現在一定　充斥著未知的事物

曾遇見的人　雙眼望過的風景
從那天起的事情
請讓我一一訴說 」

✴︎ 由於太鍾意 odol 既歌詞，係 youtube 每首歌既 comment 都加左中文歌詞翻譯，大家有興趣可以去睇下。

// C

// 延伸閱讀 //
生活苦悶 日子依舊 － 令人悸動的 odol