過去呢個夏天身邊唔少朋友去咗日本旅行，日本的確係一個一去難忘嘅地方，好多人話日本只適合旅遊而唔適合長居，計我話都係因人而異，尤其係東京呢個城市，一個令人追夢同時又可以叫人捨棄夢想嘅地方。
從第一次去日本之前對東京鐵塔充滿幻想，去到而家熟哂新宿行去涉谷條路，對東京嘅感情已經唔單止係由自己單方面睇日劇，電影幻想出黎，而係有咗共同回憶，記得由涉谷 TOWER RECORDS 行去宮下公園條路我遇過邊個，每次旅程完結返去香港都回憶返全部。
如果你同我有著共同煩惱，不如聽下 Awesome City Club 「Lullaby for TOKYO CITY」一解鄉愁，MV 採用 360度攝影，使用手機觀看效果更佳，有種被涉谷包圍住嘅感覺。
睇睇下，又想買定機票。
沒有留言:
張貼留言